کیا کریں کیا نہ کریں

السلام و علیکم آج کل ذرا وقت کم ہی مل پا رہا ہے ۔۔۔ ایک تو دنیائے بلاگنگِ پاکستاں میں جو مصیبت آ پڑی ہے کچھ وہ بھی وجہ ہے ، کچھ میرے کمپیوٹر پہ کوئی مصیبت آن پڑی ہے جسکی وجہ سے انٹر نیٹ پہ اپنی میل چیک کرنا بھی ایک عذاب سا لگتا ہے کجا یہ کہ بلاگز دیکھے جائیں حالانکہ اردو سیارے پہ کافی پوسٹس ایسی تھیں جن پہ کمنٹ کا دل تو چاہ رہا تھا لیکن ہائے رے یہ دل۔ دوسرا آجکل نیند سے ایسی کوئی محبت ہوگئی ہے کہ دل کرتا ہے ہر وقت سوئے ہی رہو ۔۔۔ اس سے بچاؤ کا کوئی طریقہ پتہ ہو تو پلیز ۔

تیسرا اور سب سے اہم مسئلہ ہے ماسٹرز کا، میں چاہ تو رہی ہوں کہ ماسٹرز میں اس سال ایڈمِشن لے ہی ڈالوں، پر کہاں یہ کچھ سمجھ نہیں آرہی۔ اگر پاکستان سے کروں گی تو MBA ہی کروں گی کیونکہ CS سے مجھے کوئی ایسی خاص محبت ہے نہیں اور CS میں ہی رہنے کا مطلب اپنے آپ کو اور پیسے کو بھی صرف ضائع کرنا ہے، لیکن پاکستان میں اگر میں MBA کرتی ہوں تو اسکا مطلب ہے ڈھائی سال، ہاں باہر مجھے ماسٹرز کیلئے ایسے کمبینیشن مل سکتے ہیں جو CS اور مینجمینٹ کے کورسز ملا کر ایک سے ڈیڑھ سال میں ہو جائے گا ۔۔۔ لیکن ۔۔۔ اور یہ لیکن بہت ہی طویل ہے ۔۔۔۔ سو دعا جاری ہے دیکھیں ۔۔۔!

فری کے آنے سے آجکل شکر ہے گھر میں کچھ رونق ہے۔ میری پاری نونی بھی اب بڑی ہوگئی ہے اور ارحم اللہ اللہ کر کے Gillingham سے آیا تھا ۔۔۔ لیکن اب وہ پھر کچھ دنوں میں جا رہا ہے اسکاٹ لینڈ ۔۔۔ اتنا مزہ آیا تھا جب وہ یہاں آیا ۔۔۔ بے بی بے بی چیختا تھا مجھے دیکھ کر یعنی کمپیوٹر پہ کسی بےبی کی تصویر لگا دو ، اسے لگتا تھا کہ کمپو صرف مجھے ہی لگانا آتا ہے۔ او میری پارووو سی جان۔ میرا دل کررہا ہے جلدی سے نونی اور ارحم ادھر آجائیں، بڑا مزہ آئیگا۔

اف یہ نیٹ ہی نہیں چل رہا ۔۔۔ اب شاید کل ہی پوسٹ کروں۔

اوکے – اللہ حافظ

P.s: written on 16th march