مرزا اسد اللہ خان غالب برصغیر کے ایک بےمثال شاعر تھے۔ انکی شاعری میں عشق بھی ہے اور طنز بھی، عشق کا اظہار بھی منفرد اور طنز بھی اک جدا مزاج لیے ہوۓ ہے۔ مرزا غالب کی شاعری سےمیرا تعلق، میری محبت قریبا آٹھ سال پرانی ہے ۔ او ہاں، غالب کا ہی تو وہ شعر تھا جو میں نے سب سے پہلے یاد کیا ( قصدا – میں شاید تب کلاس تھری میں تھی، بھئ سبکو کـچھ نہ کـچھ یاد تھا تو میں نے بھی تو کچھ یاد کرنا تھا ناں ) ۔۔۔ خیر قطع نظر اس قصے کے غالب کا کچھ کلام یہاں لکھ رہی ہوں

—–
کس سے محرومئ قسمت کی شکایت کیجیۓ
ہم نے چاہا تھا کہ مر جاییۓ ، سو وہ بھی نہ ہوا
——
دوست غمخواری میں میری سعی فرمائیں گے کیا
زخم کے بھرنے تلک ناخن نہ بھر جائیں گے کیا
حضرت ناصح گر آئیں ، دیدہ و دل فرش راہ
کوئ محھ کو تو یہ سمجھا دو کہ سمجھائیں گے کیا؟
آج واں تیغ و کفن باندھے ہوۓ جاتا ہوں میں
عذر میرے قتل کرنے میں وہ اب لائیں گے کیا
—–
کہوں کس سےمیں کہ کیا ہے، شب غم بری بلا ہے
مجھے کیا برا تھا مرنا ، اگن ایک بار ہوتا
یہ مسائل تصوف ، ییہ تیرا بیان غالب
تجھے ہم ولی سمجھتے جو نہ بادہ خوار ہوتا
—–
مرنے کی اے دل اور ہی تدبیر کر کہ میں
شایان دست و بازو ۓ قاتل نہیں رہا
—-
ہم کہاں کے دانا تھے ، کس ہنر میں یکتا تھے
بے سبب ہوا غالب ، دشمن آسماں اپنا
—–
اور سب سے آخر میں ایک نہایت خوبصورت شعر ۔۔۔ امید تو ہے کہ سمجھ آ جاۓ گا ۔۔۔ نہ آیا تو میں ہوں نا

تجھ سے قسمت میں میری صورت – قفل ابجد
تھا لکھا بات کے بنتے ہی جدا ہو جانا

————————-